Inaanyayahan namin kayong dumalo sa isang meetup at diskusyon tungkol sa Batas ng Karma na pangungunahan ni gurong Masaki. Makipagugnayan sa numerong 0998-566-2533 o magiwan ng mensahe sa aming Makipagugnayan na pahina kung nais pumunta.
Ang kaganapang ito ay walang bayad.
Kailan: Nov. 12, 2017, Sunday
Oras: 3:30 pm – 4:30 pm
Saan: @ The Columns1 Ayala Makati
Basahin muna ang Batas ng Sanhi at Epekto bago ito.
Nauna na nating natalakay ang Batas ng Sanhi at Epekto, at kung paanong ito ang sentro ng aral ng Budismo. Ano naman ang kaugnayan ng 3 Mundo at 10 Direksyon dito? Bago yan kilalanin muna natin ang 3 Mundo at 10 Direksyon.
Ang 3 Mundo ay:
at ang 10 Direksyon ay:
Masasabi natin na ang ibig sabihin ng 3 Mundo ay kahit kailan at ang 10 Direksyon naman ay kahit saan. Ang Batas ng Sanhi at Epekto ay sumasakop sa 3 Mundo at 10 Direksyon. Ibig sabihin ang Batas ng Sanhi at Epekto ay tunay kahit kailan at kahit saan.
Tulad ng unang nabanggit, sa Batas ng Sanhi at Epekto ang bawat Sanhi ay may katumbas ng Epekto. At dahil sakop ng Batas ang 3 Mundo, ang Epekto ng Sanhi (gawa o aksyon) na itinanim natin sa nakalipas nating buhay ay maaring magpamalas hindi lamang sa nakalipas, kundi maging sa kasalukuyan o sa hinaharap.
Halimbawa ay ang isang batang ipinanganak na may kapansanan. Mas mahirap para sa kanya ang mamuhay dahil sa kalagayan nyang ito. Ano ang nagawa ng isang bagong silang na sanggol upang mabuhay sa ganitong kalagayan? Ang nagpapasya ng ating kapanganakan sa kasalukuyan ay ang ating nakalipas na buhay. Sa pagsuri ng estado ng ating kasalukuyang buhay, malalaman natin kung mabubuting gawain ang ating itinanim sa ating nakalipas. Ang mga gawaing ating itinatanim sa kasalukuyan naman ang magpapasya ng magiging buhay natin sa hinaharap. Ano ang itinatanim natin ngayon, mabubuting gawain o hindi?
Ang 10 Direksyon ay nagpapakita na ang Batas ng Sanhi at Epekto ay sinasakop ang lahat ng lugar. Walang sulok na hindi kasama.
Palaging gumawa ng mabuti upang maging mabuti din ang ating kinabukasan. Hindi na natin mababago ang mga kamaliang nagawa natin sa nakaraan ngunit may magagawa pa tayo sa kasalukuyan para sa kahihinatnan ng ating hinaharap.
Ang tanong na maraming beses nang sinagot ngunit hindi talaga nasasagot. Marahil iba-iba kasi ang ideya ang bawat sa isa sa kanilang layunin sa buhay. Tatanungin natin ang tanong na ito sa ating sarili. Maaga sa iba, huli sa iba pero darating ang tanong na ito sa ating buhay.
Tinuturo ng Budismo na ang layunin natin sa buhay ay maging masaya. Simple lang no? Simple nga ba? Maaring magagam-agam tayo sa katwiran na ito. Pero sa likod ng simpleng pangungusap na ito mababatid natin na may mas malamin itong sinasabi. Hindi ba’t sa lahat ng ginagawa natin, ginagawa natin ito upang sumaya? – umayos ang pakiramdam, lumigaya, mawalan ng alalahanin, mawalan ng problema, mawalan ng pagdududa, atbp… Walang duda na walang sinuman sa atin ang gagawa ng mga bagay na sadyang makakapag-miserable ng ating buhay. Ang kaligayahan ay isang uri ng pamumuhay at kailangan natin ito sa ating mga buhay.
Itinuro ni Sakyamuni Buddha ang 2 kategorya ng Kaligayahan. Sila ang mga sumusunod:
2 Kategorya ng Kaligayahan
1. Di-ganap na Kaligayahan
Ito ang klase ng kaligayahan na kailangan natin upang mabuhay. Mayroon itong 3 katangian. Ito ay pansamantala, hindi kumpleto, at naglalaho pagkamatay natin. Ang ganitong klase ng kaligayahan ay naguugat sa ating mga hangarin bilang tao (ang pagnanais na makakuha o makagawa ng isang bagay), at ang hangarin ng tao ay walang katapusan – pera, kasintahan, libangan, kalusugan, aliwan, at marami pang iba. Ngunit kalaunan ang matinding galak na nadama natin sa umpisa ay unti-unting nawawala. Tulad sa law of diminishing marginal utility, lahat ng bagay ay nakakasawa kapag paulit-ulit na itong ginagawa. Lahat nga bagay ay pansamantala. Ang kabataan natin ay tatanda, ang malakas na katawan natin hihina – ito ang realidad ng buhay. Ang mga bagay na minsa’y nagdala sa atin kagalakan ay mawawala ang kinang. Kaya nga maigi na tingnan nating ang mga bagay sa maaring mangyari sa hinaharap nito, nang sa gayon kapag nanduon na tayo ay alam na natin na nagbago na ito.
2. Ganap na Kaligayahan
Ang kaligayahan na ito ay ang layunin natin sa buhay. Ang kaligayahan na ito ay hin mabubuwag at hindi tayo lilisanin. Makakamit ito sa pakikinig at pagsasabuhay ng mga turo ng Budismo. Magandang ring simulan sa Batas ng Sanhi at Epekto at ang Anim na Mabubuting Gawain ang pag-aaral ng Budismo.
Ang titik na gamit ng mga Hapon para sa “tao” ay may ibig sabihin na ang isang tao ay nabubuhay upang suportahan ang iba.
Tunay ngang hindi tayo mabubuhay kapag wala ang ibang tao. Lahat tayo ay umaasa sa isa’t isa para sa ating negosyo, relasyon,pamilya at pamumuhay.
Sabi nga, walang tao ang namumuhay lamang ng magisa.
Dahil dito, sa Budismo, ang pagkakaisa ay binibigyan ng mataas na importansya. Kung walang pagkakaisa hindi tayo magkakasundo at mahirap makatapos ng mga gawain.
Kung may pagkakaisa o pagkakasundo sa ating tahanan, trabaho at lipunan, ang higit na kaligayahan ay makakamtan natin.
Paano nga ba natin tayo magkakaisa? Sa paggawa ng 7 Kawanggawa ay makakamit natin ito. Ito ay ang mga sumusunod:
Lahat ng ito ay bahagi ng 6 na Mabubuting Gawain ng itinuro ni Buddha upang magbigay kaligayahan sa nagbibigay at tumatanggap.
Higit pang tuklasin ang tungkol dito at iba pang mga aral sa pagdalo ng aming pagkikita-kita sa Meetup. https://www.meetup.com/The-purpose-of-life/
Sinasaad sa Batas ng Karma (Cause and Effect) na ang bawat sanhi ay may katapat at hindi matatakasang epekto. Ito ay tinatawag ring Batas ng Karma. Ngunit bago ang lahat ano nga ba ang ibig sabihin ng mga salitang “sanhi” at “epekto?” Ang sanhi ay ang ating mga aksyon o gawa. Bagay na ating ginawa. Ang ibig sabihin ng epekto ay resulta. Maari nating sabihin base sa batas ng sanhi at epekto na ang ating mga aksyon ay laging may katumbas na hindi maiiwasang resulta. Kaya napaka-importanteng malaman ang tatlong prinsipyo ng Batas ng Karma (Cause and Effect). Sila ay ang mga sumusunod:
Ang unang prinsipyo ay nagsasaad na ang MABUTING GAWAIN ay magbubunga ng MABUTING RESULTA. Kapag gumawa ng mabuti para sa iyong kapwa, maganda o mabuting epekto ang iyong matatanggap.
Ang ikalawang prinsipyo ay kabaligtaran ng una. Ang MASAMANG GAWAIN ay magbubunga ng MASAMANG RESULTA.
Ang pinakahuling prinsipyo ay ang SARILING GAWA ay magbubunga ng SARILING EPEKTO, ibig sabihin ang mga epekto ng mga bagay na ginawa mo ay sa iyo lamang babalik. Halimbawa, may 2 tao sa isang lamesa. Ang isa ay walang tigil sa pag-inom ng beer, at ang isa naman ay hindi umiinom ng beer. Ang malalasing ay yun lamang taong walang tigil sa pag-inom ng beer at hindi yun isang walang iniinom na beer kahit isa. Halimbawa rin ay nag-aral ako ng mabuti para sa isang pagsusulit, epekto nito ay makakakuha ako ng mataas ng marka. Ang mga kaklase ko ay hindi makakakuha ng mataas na marka dahil nag-aral ako ng maigi.
Upang lubus na maunwaan ang batas ng sanhi at epekto ay kailangan lagi nating tatandaan ang 3 prinsipyong ito. Ugalian natin na laging gumawa ng mabuti upang ang hinaharap ay magdala sa atin ng mabuting epekto.
Ikalawang Bahagi: Ang Batas ng Karma (Kundisyon)
Basahin ang 3 Mundo at ang 10 Direksyon upang malaman kung paano sila nauugnay sa Batas ng Karma (Cause and Effect).
Pagsusumikap 